Tuesday, May 28, 2013

ഉൾവിളികൾ


കേൾവികൾ... കരുണയില്ലാത്ത ശബ്ദങ്ങളായ്
കാഴ്ചകൾ...കനിവൊഴിഞ്ഞ വർണ്ണങ്ങളായ്
രക്തചുവപ്പിലെഴുതുന്ന കദനങ്ങളും
ദീനരോദനങ്ങളാം ശബ്ദരൂപങ്ങളും
ഞെട്ടി, വിറ കൊണ്ട് നിശ്ചലമാകുന്ന
കണ്ണും കാരിമുമ്പെന്ന് പറഞ്ഞൊരാ ഹൃദയവും
ഹാ...സമാപ്തമെന്നോതിപ്പിടയുന്നു ചിന്തകൾ..

പെയ്തൊഴിയാനൊരു കാർമുകിലുണ്ടെങ്കിൽ
കാറ്റിനോടിനിയും പരിഭവിക്കാം
പറയുവാനായൊരു കഥയതൊന്നുണ്ടെങ്കിൽ
പതറാതെയിനിയും പുഞ്ചിരിക്കാം
എങ്കിലും, നിഴലായ് പിന്തുടരുന്ന മരണത്തെ
പുൽകുവാൻ മാത്രമാണെന്നറിയുന്നു ജീവിതം

1 comment:

  1. അതുമാത്രമല്ല ജീവിതം

    ReplyDelete